1. Юмны гадуур эргэх, хүрээлэх: гэрээ тойрох (гэрээ эргэх, гэрээ хүрээлэн явах), хот тойрох (хотын эргэн тойрон явах, хотыг хүрээлэх), тойрон бүслэх (тухайн зүйлийн гадуур хүрээ үүсгэн, хааж хороолох), тойрон хүрээлэх (юмны гадуур дугуйран хүрээ үүсгэх);

---

2. Хүний үүгээр түүгээр хэсэж явах: дэлхий тойрох (а. Дэлхий тойрон явах; б. Хаа сайгүй явах), хэсэх тойрох [хоршоо] (газар сайгүй тэнүүчлэх), *тулга тойрсон (аар саар, ойр зуурын, гэр зуур);

---

3. [шилжсэн] Хэрэг явдлаас зайлсхийх: гэмт хэргээс тойрох (гэмт хэргээс зайлсхийх, гэмт хэргээс холуур явах), хулгай хийхээс тойрох (хулгай хийхээс зайлсхийх), тойроод гарах нас биш, дайраад гарах нас [зүйр цэцэн үг] (болох ёстой юмнаас зайлах аргагүй гэсэн санаа);

---

4. [шилжсэн] Зам зэргээс мурийж явах - Араас дагахгүй холуур тойрч очоод нам буудъя гэж шийдэв. Б.Бааст. Алтайн хөх дөнөн., зам тойрох (явах замаасаа илүү их зам туулах), намаг тойрч гарах (намгаас холуур явах), халтиргааг тойрч гарах (халтиргаатай газраас зайлсхийж халтиргаагүй газраар явах);

---

5. [шилжсэн] Хэлэх гэсэн зүйлээ шууд хэлэхээс зайлсхийх: тойроод байлгүй шууд хэлэх (хэлэх гэснээ шууд хэлэх).