1. Хэлбэр дүрс, бараа сураг нь бүдэг байсан зүйл тод болох - Цацангийн голын ихэр хоёр урсгал хуурын хос чавхдас мэт суналзан тодров. Ж.Дамдин. Үймээний жил., бараа тодрох (юмны бараа, дүрс тод болох) - Зорьсон газрын зүгээс алтан шаргал нар мэлтэлзэн гарч ирэн хол ойрхын бараа тодроход Данзангийн санаж сэтгэх өөрчлөгдөв. Д.Намдаг. Цаг төрийн үймээн., дүрс тодрох (юмны дүрс тод болох), тодрон үзэгдэх (юмны өнгө, дүрс улам тод үзэгдэх);

---

2. [шилжсэн] Утга санаа нь илт, илэрхий болох, ил гарах - Атар газар эзэмшихийн онцгой ач холбогдол тодорч байна. Ч.Чимид. Хавар намар., утга санаа нь тодрох (утга санаа нь ил болох, утга санаа нь тодорхой болох), учир нь тодрох (учир нь ойлгогдох, учир нь ил болох);

---

3. Хүний ааш аяг, сэтгэлийн янз байдал илрэх - Дулмаагийн царайд улаан туяа цацарч нүдэнд нь үл мэдэг мишээл тодорсноо үнэн гээд доод уруулаа хазлан толгой дохив. Ч.Лодойдамба. Тунгалаг Тамир;

---

4. [хуучирсан] Хутагт хувилгаадын хойд дүр гарах: хойд дүр тодрох (хутагт хувилгаадын хойд дүр нь илрэх, хойд дүр нь төрөх).