1. Илт, илэрхий, тод - Саяхан шиг хүүгээс нь ирсэн захидлыг уншихад тэр найдвар эвдэрсэн гэдэг нь тун тодорхой байлаа. Ч.Лодойдамба. Тунгалаг Тамир., тодорхой асуулт (ил тод асуулт, маш ойлгомжтой асуулт), тодорхой хэлэх (маш ойлгомжтой хэлэх), тов тодорхой (тун тодорхой, маш тодорхой), нарийн тодорхой [хоршоо] (аливаа зүйлийн маш ойлгомжтой бөгөөд ил тод байдал), тонж тодорхой [хоршоо] (маш тодорхой), илэрхий тодорхой [хоршоо] (тухайн зүйлийн ил тод байдал);

---

2. Нэгд нэгэнгүй, дэлгэрэнгүй - Тодорхой дэлгэрэнгүй өгүүлсэн баримт бидэнд уламжлагдан хүрч ирж хараахан чадаагүй байна. Ж.Дамдин. Монгол бөх., тодорхой мэдэх (тухайн хэрэг явдлыг нэгд нэгэнгүй мэдэх, сайтар мэдэх), тодорхой санах (болоод өнгөрсөн зүйлийг нэгд нэгэнгүй санах, маш сайн санах), тодорхой ярих (илэрхийлэх гэж буй санаагаа ойлгомжтой, дэлгэрэнгүй ярих), тодорхой илэрхийлэх (учир байдал, үнэн байдлыг нэгд нэгэнгүй тодорхойлох, тоочих);

---

3. Бодитой - Цөм л тодорхой мэргэжил эзэмшин ажиллаж, амьдран яваа аж. Н.Батбаяр. Өндөрт хатгасан туг., тодорхой арга хэмжээ (бодитой арга хэмжээ), тодорхой жишээ (бодит жишээ).