1. Харах, сонсоход ялгавар сайтай, тодорхой, илэрхий - Тэнгэрийн хаяагаар үүрийн шар туяа тусахын үед Хадатын нуруу улам тод харагдав. П.Хорлоо. Багш., тод сонстох (юмны дуу чимээ сайн сонстох) - Олон адууны тургих чимээ улам тод сонстоно. Ч.Лувсанжав. Дамдины бага хүү., тодоос тод (харах, сонсох, ойлгоход маш сайн ялгавартай), тод хэлэх (ярьж буй зүйлээ ойлгомжтой бөгөөд тодорхой, сонсоход ялгавар сайтай хэлэх), тод томруун [хоршоо] (а. Харагдахад ялгавар сайтай; б. Ойлгомжтой, тодорхой - Асуудлыг бүр тод томруун болгохын тулд дахин тодорхой дурджээ. Б.Полевой. Эцсийн бүлэгт), ил тод [хоршоо] (далд биш, нүдэн дээр нь), тов тод [хоршоо] (а. Үзэх, сонсоход ялгавар сайтай - Гараараа зааж хэлсэн нь, амьсгаагаа дарж чимээ аниргүй байгаа олонд тов тод сонстоно. Б.Ринчен. Гүнж; б. Ойлгомжтой, санаанд ил - Сэтгэлийнхээ хөдөлгөөнийг тов тод үзүүлж чаддаг. С.Эрдэнэ. Хонгорзул);
--oOo--