1. Юмны хөдлөхгүй байх бололцоо: тогтвор сайтай (эд зүйл тулгуур суурь сайтай), тогтвор алдах (а. Юманд хөдөлгөөн орох - Үүнээс болж тэмээ тавгаараа газар дэвсэх, биеэ зуух зэргээр амарч, идээшилж чадахгүй ийш тийшээ цуварч тогтвор алддаг. Ж.Самбуу. Мал маллагааны арга туршлага; б. Тэвчээр алдах - Энэ эмэгтэйн дууг миний чихнээс илүү зүрх минь шимтэн чагнаж тогтвор алдан түгшиж явав. П.Лувсанцэрэн. Хөдөөгийн дуун);

---

2. Төлөв томоо: тогтвор суух (буурь суух, томоожих, төлөв томоотой болох), тогтвор суурьшил [хоршоо] (нэг газар удаан ажиллаж амьдрах нь), тогтвор суурьшилтай ажиллах (нэг газраа удаан ажиллаж, ажлын үр дүнгээ үзэх) - Юутай ч хэдэн жилдээ энэ ажлаа тогтвор суурьшилтай хийх бодол агуулж явнам. С.Лочин. Газрын дуун;

---

3. [шилжсэн] Зориг хүслийн шийд - Энэ эмэгтэйн дууг миний чихнээс илүү зүрх минь шимтэн чагнаж чээжин дотроо тогтвор алдан түгшиж явав. П.Лувсанцэрэн. Хөдөөгийн дуун., санаа сэтгэл тогтвороо алдах (санаа сэтгэл, чин хүсэл алдрах).