1. Тэмээ, үхэр зэрэг амьтны хойд хөлөөрөө өшиглөх: үнээ тийрэх (үнээний муухай ааш хөдлөн хүн, амьтныг хойд хөлөөрөө өшигчих) - Хүрэгч үнээ анхандаа байн байн үнэрлэж саалгахгүй тийрдэг байснаа аажимдаа намайг өрөвдсөн юм шиг, сүүгээр минь өнчирсөн үрээ тэжээг дээ гэсэн шиг номхорч билээ. Д.Мягмар. Тээрэмчин;

---

2. Хүн хөлөө нугалж байгаад хүчтэй жийх - Нэг том хүн түүний хэвлий гэдэс рүү хүчтэй тийрэв. Б.Догмид. Цэнхэрлэн харагдана;

---

3. Буу буудах, онгоц нисэх, хөөрөх зэрэгт гэдрэг хүчтэй ёврох, хүчтэй түлхэх: буу тийрэх (бууг буудахад арагш хүчтэй ёврох) - Чоныг буудтал, буу тийрч чих дөжрөв. Б.Бааст. Алтайн хөх дөнөн., хөдөлгүүр тийрэх (хөдөлгүүр хүчтэй түлхэх);

---

4. [шилжсэн] Мал амьтан тохьгүй нөхцөл байдалд шаналан тарчилж өвөрмөцөөр авирлаж аяглах; тэмээ тийрэх (их халуунд шүүслэг, хүчтэй ногоо идсэн тэмээний гэдэс дүүрч шаналан унгаж аахилж янцаглан зөөлөн газар дээр болон үнсэн дээр хөрвөөн тарвалзах), буга гөрөөс тийрэх (ялаа шумуулд хатгуулж ээрүүлж тарчилсан буга гөрөөс сүүдэр, ус, ширэнгэд шургаж дэвхцэж цовхчин байж ядах) - Ялаархсан хэсэг адуу голын татуургад тийрч байснаа салаас үргэж алга болов. Д.Мягмар. Уянгын туужууд;

---

5. [шилжсэн] Хүн, амьтны гэдэс дүүрэх - Тэгэхдээ энэ чононууд гэдсээ тийртэл идчихсэн явааг чи яаж мэдэж байгаа юм бэ? Б.Бааст. Алтайн хөх дөнөн.