1. Машин, механик багаж, төхөөрөмж: техникийн мэдлэг (элдэв машин техник, механизм, багаж төхөөрөмжийг ажиллуулах, ашиглах мэдлэг), техникийн шинжлэх ухаан (оньсон техникийг судлах ухаан), техникийн зах (автомашин түүний сэлбэг хэрэгслийг зарах, борлуулах үйл ажиллагаа явуулах газар), техникийн үйлчилгээ (техник ашиглалтын явцад түүний өндөр түвшнийг хадгалж техникийн үзүүлэлтийг үр ашигтай хангах зорилгоор хийдэг техник зохион байгуулалтын урьдчилан сэргийлэх иж бүрэн арга), техникийн ургамал (тос, ээрмэлийн утас гарган авах зориулалттай ургамал), машин техник [хоршоо] (оньсон хөдөлгүүр бүхий хэрэгсэл) - Заримдаа засардаггүй хүн байхаас машин техник гэдэг чинь учрыг нь олж чадвал аргатай юм байна шүү. Л.Дашням. Нялх ногоо., тэрэг техник [хоршоо] (машин тэрэг) - Улсын техник хэрэглэн ан гөрөө хийжээ. Н.Банзрагч. Зам., зэвсэг техник [хоршоо] (цэрэг армийн үйл ажиллагаанд ашиглах янз бүрийн байлдааны хэрэглэл), техник технологи [хоршоо] (элдэв машин механизм болон түүнийг боловсронгуй болгох арга ажиллагаа), техник технологийн шинэчлэл (аливаа улс орны үйлдвэрлэлийн бүхий л салбарт ашиглаж байгаа техник, тоног төхөөрөмж, технологийг илүү үр ашигтай, илүү үр бүтээлтэй, боловсронгуй өөр техник технологиор солих үйл явц);

---

2. [шилжсэн] Ур чадвар: техник сайтай (ур чадвар сайтай), техник муутай (ур чадвар муутай), техник сайтай хөгжимчин (хөгжимдөх ур чадвар сайтай хөгжимчин); арга техник [хоршоо] (ур чадвар), аюулгүй байлгах арга техник (аюулгүй байлгах арга, ур чадвар), барилдааны арга техник (уран барилдах ур чадвар), -Бид ийм уран нарийн барилдааны арга техник, найр наадмын чанд зохион байгуулалт бүхий бөхөөрөө хаа ч гайхуулан бахархана. Ж.Дамдин. Монгол бөх.