1. Агаараар долгион хүлээн авч дүрс, дуу бүхий нэвтрүүлэг дамжуулах хэрэгсэл; зурагт - Телевизийн дэлгэц дүүрэн тэмээний туулай хамар, хоёр тунгалаг нүд холын их тэмүүлэл үзэгдэв. Д.Нямаа. Тэмээний нутаг., кабель телевиз (релей шугамаар дамжин нэвтэрдэг теле суваг), телевиз авах (зурагт худалдан авах), телевиз үзэх (зурагтаар дамжуулах төрөл бүрийн нэвтрүүлгийг үзэх), телевизийн антен (телевизийн дүрс, дууг зөөвөрлөх, радио дохиог нэвтрүүлж, хүлээн авдаг төхөөрөмж), телевизийн жүжиг (зурагтаар дамжуулан гаргах жүжиг), телевизийн суваг (зурагтын хүлээн авч нэвтрүүлж чадах долгион), телевизийн станц (радио долгионы тусламжтайгаар телевизийн хөтөлбөрийг дамжуулдаг радио станц), хар телевиз (телевизийн дамжуулах станцаас ирж буй нэвтрүүлгийг өнгө ялгахгүй зөвхөн хар өнгөөр гаргадаг зурагт), өнгөт телевиз (телевизийн дамжуулах станцаас ирж буй нэвтрүүлгийг өнгө ялган гаргадаг зурагт);

---

2. Телевизийн нэвтрүүлэг бэлдэх, дамжуулах үйл ажиллагаа бүхий байгууллага: телевизийн нэвтрүүлэгч (телевизийн олон төрлийн нэвтрүүлгийг удирдах, хөтлөх хүн), телевизийн сурвалжлагч (телевизийн мэдээ мэдээлэл бэлтгэх сэтгүүлч), телевизийн удирдлага (а. Телевизийн байгууллагын үйл ажиллагааг удирдан зохион байгуулж явуулах зөвлөл; б. Телевизийн суваг, дуу дүрсийг тохируулах хэрэгсэл);

---

3. [шилжсэн] Телевизийн суваг: монгол телевиз (монгол улс даяар цацагддаг үндэсний телевизийн суваг).