Кино жүжиг зэрэг урлагийн бүтээлийг үзүүлэх газар - Улсын төв театрт “Учиртай гурван толгой” үзсэнээ дэлгэрэнгүй тоочив. Л.Түдэв. Нүүдэл., театр судлал (жүжигчний бүтээл, драмын урлаг, найруулагчийн эрдэм, театрын уран барилга, чимэглэх урлаг гэх мэт театрын урлагийн онол, түүхийн асуудлыг судалдаг ухаан), театрт очих (ямар нэг урлагийн тоглолт үзэхээр явах), театрын жүжигчин (театрт ажиллах жүжигчин), театрын музей (дэлхийн болон тухайн үндэстний театрын соёлын хөгжил, мөн тодорхой нэг театрын түүхийг харуулах биет зүйлс, баримт бичгүүдийг цуглуулан хадгалдаг эрдэм шинжилгээ, соёл гэгээрлийн байгууллага), театрын сургууль (жүжигчин болон урлагийн төрөл бүрийн мэргэжилтэн бэлтгэх сургууль), их театр (хамгийн том театр), драмын театр (жүжиг тоглох газар), хүүхэлдэйн театр (хүүхэлдэйн жүжиг тавих газар), хүүхэд залуучуудын театр (хүүхэд залуучуудад зориулсан төрөл бүрийн урлагийн тоглолт тавих газар), кино театр (кино гаргах газар), дуурийн театр (дуурь тоглох газар).