1. Хүн, амьтны сүүжний толгой орчмын хэсэг: ташаа мах (амьтны сүүжний толгой орчмын мах) - Тавь хоног хагсаагаад ташаа махыг нь шуулгав. ААЗ., ташаан толгой (сүүжний дээд сэртэн), ташаа тулах (а. Хоёр гараа сүүжний толгой дээр тавих - Тарган морины нуруун дээр ташаа тулан ханхалзаж явсан залуусын бие нь энэ өглөө буларчхаад босжээ. Л.Түдэв. Нүүдэл; б. [шилжсэн] Ханхалзах, таахалзах, сагсуурах - Би эндэхийн цагдаа гэж ташаа тулан омогдов. Д.Намдаг. Цаг төрийн үймээн), ташаа харвах (а. Бөхийн мэх хийх; б. [шилжсэн] Аливаа хэрэг явдлын далимд өөрийн хэргийг гүйцэлдүүлж хожих), гуя ташаа [хоршоо] (хүн, амьтны хөлийн сүүжнээс өвдөг хүртэлх хэсэг болон сүүжний толгой орчмын хэсэг), ташаанд нь ташуур өлгөм, борвинд нь богц өлгөм [зүйр цэцэн үг] (хэтэрхий туранхай, эцэнхий гэсэн санаа);

---

2. Дээл хувцасны суганаас дооших эн зэрэгцсэн хэсэг, мөн газар оруулсан нарийн хошуу оруулга: дээлийн ташаа (дээлийн хоёр хажуу) - Эргэцээ морины эргээ бодож, элбэг сайхан ташаа тавилаа. Д.Пүрэвдорж. Хөх даалимбан тэрлэг., өргүү ташаа (дээл хувцасны ташаа дээш болсон байдал), унжуу ташаа (дээлийн гадаад энгэр нь дотоод энгэрээс илүү гарсан байх), ташааны товч (монгол дээлийн ташаан тушаах товч), ташааны оруулга (монгол дээлийн ташааны хормойн тус газар оруулсан хошуу нарийн зурвас).