1. [хуучирсан] Харц ардууд, эзний харьяанд байж алба залгуулах үүрэг: татлага өгөх (татаас өгөх, эзэнд алба өгөх); алба татлага [хоршоо] (харц ардын алба залгуулах үүрэг);

---

2. Дайчлах ажиллагаа; цэрэг татлага (хуулийн дагуу зэвсэгт хүчинд цэргийн алба хаалгахаар иргэдийг татах ажиллагаа) - 1900 онд И хө Туаны бослого Хятад орныг донслуулж эхлэхэд Монголд сууж байсан Манжийн захиргаа цэрэг татлага явуулж олон мянган монгол эрсийг цугларуулжээ. Л.Түдэв. Алтан гадас чигийг заана., цэрэг татлагын комисс (цэрэг дайчлагыг зохион байгуулах комисс) - Цэрэг хүргэж ирсэн дарга нар нэгэн гэрт ороод хэсэг болсны дараа аймгийн цэрэг татлагын комиссынхон бололтой цэргийн дүрэмт хувцастай дарга нарын хамт гарч ирэв. Н.Надмид. Хүлээс алдарсан нь., дайчлага татлага [хоршоо] (а. Онц аюултай, яаралтай үед иргэдийг албадан ажил хэрэг гүйцэтгүүлэх; б. Насанд хүрсэн эрчүүдийг цэргийн алба хаалгахаар зарлан дуудах).