1. Татуулах - Бас зэлэнд татагдах хүзүүвч нь түүний амьсгалыг боогоод байгаа шинжтэй. Би чагтыг нь мулталлаа. П.Лувсанцэрэн. Хөдөөгийн дуун., гарт татагдах (гарт тээглэн автагдах), салхинд татагдах (салхины хүчинд автах), соронзонд татагдах (соронзын татах хүчинд автах);

---

2. Өртөх, чирэгдэх, автах - Энэ хоёр хүний хооронд бие биедээ татагдах ямар нэгэн аятай хүчин байгаа нь мэдэгдэж хэн хэнийгээ хүндэтгэн саллаа. С.Удвал. Их хувь заяа., үгэнд татагдах (а. Үгэнд хууртах; б. Үгний сайханд автах), сэтгэл татагдах (а. Тэмүүлэх, хийхийг эрмэлзэх, хүсэх; б. Дурлах) - Нөгөө зарим нь бэрхшээлээс үл айн, амь хайргүй зүтгэснийг сайшаан урамшуулж хязгаар нутагт ажиллаж амьдрахын сонин гайхамшигтайд сэтгэл татагдах болсон байна. С.Эрдэнэ. Хонгорзул., тоглоомд татагдах (тоглоомд хэт автах), татагдан орох (ямар нэг хэрэг явдалд өөрийн эрхгүй оролцох), *уруу татагдах (бусдын муу нөлөөнд автах) - Лувсанпэрэнлэйн хүү мэтийн золигуудад уруу татагдаж хоргодоо юу гэж аав нь зориуд Магнайн тухай ярина. Л.Түдэв. Нүүдэл., *элэг татагдах (гашуудах, сэтгэл өвдөх);

---

3. Хэрэгт холбогдох: хэрэгт татагдах (гэмт хэрэгт холбогдох);

---

4. Дайчлагдах: цэрэгт татагдах (цэргийн албанд дайчлагдах) - Би цэрэгт татагдах болоод байна. Гэтэл өнөө маргаашгүй хуримаа хийх гэж байдаг. Яадаг билээ. Л.Түдэв. Алтан гадас чигийг заана.