1. Тасартал, салтал, бүрмөсөн, гүйцэд: тас огтлох (хэдэн хэсэг болтол нь бүрмөсөн огтлох), тас хазах (тасартал хазах), тас хайчлах (тасартал хайчлах), тас хөрөөдөх (модыг хэдэн хэсэг болгон хөрөөдөх), тас хяргах (тасартал хяргах), тас мушгих (а. Гүйцэд мушгих; б. [шилжсэн] Хэрэг явдлыг бүр эсрэгээр нь эргүүлэх, гуйвуулах);

---

2. Нэвширтэл, хаширтал, олигтойхон: тас алгадах (хүчтэй алгадах), тас атгах (маш чанга барих), тас базах (маш чанга базах), тас загнах (юу ч хэлж чадахаа больтол нь загнах), тас тэврэх (маш чанга тэврэх), тас шүүмжлэх (сайтар шүүмжлэх).