1. Үхэр зэрэг мал, амьтны алаг эрээн, алаг цоохор зүсэм - Хоймрынхоо хоёр авдрыг ачсан тарлан шарыг уснаас гарч уу, үгүй юу гэж Дамбий харах гэж хичээнэ. Л.Түдэв. Нүүдэл., тарлан бяруу (алаг эрээн бяруу), шар тарлан (шар алаг);

---

2. Юмны эрээн цоохор - Оройн наран цаст тарлан уулын цаагуур шингэн орлоо. Ж.Дамдин. Үймээний жил., алаг тарлан (эрээн цоохор, алаг цоохор) - Зүрх хайрхны орой нь хүртэл алаг тарлан болоод ирэхэд бид нар бөөгнөрөн сууцгааж гэр орон, аав ээж, ах дүү нарынхаа тухай болон үлгэр домог ярилцдаг байв. Ч.Лодойдамба. Түүвэр зохиол., газар тарлан болох (цас хайлж газар цоохортох), арлан тарлан [хоршоо] (а. Алаг цоог; б. Армаг тармаг, өвс ногоо сийрэг таруу ургах байдал).