1. Ургамал буюу ургамлын үрийг ургуулахаар хөрсөнд суулгах, булах - Тэгэхэд одоо мод тарьж цэцэг ногоо ургуулах шиг сайхан ажил үгүй юм шиг санагддаг. Тарьсан модныхоо нахиалж байгааг хараад их баярлах болжээ. С.Эрдэнэ. Хонгорзул., тарих газар (тариа ногоо ургуулах газар), мод тарих (мод суулгаж, арчлан ургуулах), ногоо тарих (ногоо ургуулах), тариа тарих (тариа ургуулах), тарьснаа хаддаг, өгснөө авдаг [зүйр цэцэн үг] (ажил хийвэл идэх хоолтой гэсэн санаа), тарьснаас ургана, ургаснаас авна [зүйр цэцэн үг] (ажил хийвэл үр дүн нь заавал гардаг гэсэн санаа), тарих амуугүй атлаа, бялзуухайд идүүлэх амуутай [зүйр цэцэн үг] (тариа ногоогоо арчилдаггүй, арчаагүй залхуу гэсэн санаа);

---

2. [шилжсэн] Зовлон бэрхшээл, бүтэлгүй хэрэг түвэг дэгдээх, үүсгэх: гай тарих (бусдад хэрэг түвэг удах) - Тээхийн тэр жолооч Дуламхандад нэгэн талаар гай тарих шахсан ч, нөгөө талаар хот оруулсан нь тус болжээ. Б.Бааст. Алтайн хөх дөнөн., зовлон тарих (зовлон үүсгэх), хэрэг тарих (хэрэг түвэг өдөөх) - Тэр лав нэгэн хэрэг тарих санаатай байх шиг байна. Ц.Уламбаяр. Зовлон жаргал., зовлонгийн үрийг тарих (гай зовлон удах), хэрүүл тарих (хэрүүл гаргах, хэрүүл өдөөх), хэрүүл шуугиан тарих (хэрүүл шуугиан гаргах), үймээн шуугиан тарих (хүн амьтны амгалан тайван байдлыг алдагдуулж дэггүйтэх, сахилгагүйтэх) - Бид ерөөсөө өглөө бүр ийнхүү хэн нэгнийхээ толгой руу ус хийж үймээн шуугиан тариад, түүнээс дуу дуугаа аван босоцгоодог. Л.Дашням. Бурхантын цэцэг., *мундраа тарих (шившигтэй зүйл хийсэн нь олонд мэдэгдэх, шившигт явдал нь илрэх);

---

3. [шилжсэн] Халдвар тараах, халдварлуулах: өвчин тарих (өвчин тараах).