1. Аливаа зүйлээр элбэг дэлбэг, хангалуун: тансаг амьдрал (элбэг дэлбэг дутагдаж гачигдах зүйлгүй аж төрөх нь), тансаг баяр (ууж идэх, нүд хужирлах зүйлээр их баяр), тансагт ташуурах (элбэг дэлбэгт ташуурах), баян тансаг [хоршоо] (а. Элбэг дэлбэг, дутагдаж гачигдах юмгүй; б. Хангалуун) - Энэ бүхэн түүний сэтгэлийг урьд урьдынхаас өөр, илүү баян тансаг болгоно. Д.Батбаяр. Цахилж яваа гөрөөс;

---

2. Нэн тааламжтай үнэр, амт бүрэлдсэн, сайхан амттай: тансаг амт (сайхан амт), тансаг идээ (нэн амтлаг идээ, ховор нандин идээ ундаа) - Тансаг идээ нь нөхрийн боловч таван хуруу нь манайх, Амттай идээ нь айлын боловч арван хуруу нь манайх. Г.Ринчэнсамбуу Монгол зүйр цэцэн үг., тансаг үнэртэн (сайхан, анхилуун үнэртэй зүйлс);

---

3. Энхрий өссөн, хэтэрхий хайранд умбасан: тансаг байх (хэтэрхий эрх дураараа байх), тансаг өссөн хүүхэд (элбэг дэлбэг өссөн, дутах юмгүй хангалуун, эрх дураараа өссөн хүүхэд);

---

4. Онц гоёхон, сэтгэлд зохистой, гоё үзэсгэлэнтэй: тансаг хувцас (үнэтэй эдээр хийсэн үзэмжтэй хувцас), тансаг үг (сэтгэлд зохистой эерүү үг), онгог тансаг [хоршоо] (ихэд нандигнан хайрласан зүйл);

---

5. Идээ ундаанд ханалтай: тансаг идэштэй хүмүүс (байнга амт чанар сайтай, үнэтэй юм иддэг хүмүүс).