1. Газар орон; юмгүй хоосон, сул газар - Ухаант хүнийг санаа бодолтой нь, уужуу багтаасан талбар билээ. Б.Явуухулан. Дэлхий., байлдааны талбар (байлдааны үйл ажиллагаа өрнөх газар), Бод л доо дайны талбарт борооны дусал газар уналгүй, шивээлсэн хадны үзүүрт бутарч шинелийн хормойд хатаж байсан юм. Д.Пүрэвдорж. Нар тойрсон зам;

---

2. Онгоц газардан саатах газар: онгоцны талбар (онгоц нисэж буух талбай);

---

3. Биеийн тамираар хичээллэх болон тэмцээн уралдаан зохиоход зориулан зассан газар: тэмцээний талбар (тэмцээн болох газар), тэмцээний талбарыг орхих (тэмцээнийг хаяж явах);

---

4. Нэмэх, хасах, үржүүлэх, хуваах дөрвөн үйлдлээр холбогдсон олонлог;

---

5. Ажил хөдөлмөрийн талбай: хөдөлмөрийн талбар (ажилчин хүний ажлын байр);

---

6. [шилжсэн] Нийгмийн харилцаанд хүмүүсийн хооронд гарах элдэв асуудал, маргаан мэтгэлцээн, тэмцэл: улс төрийн талбар (улс төрийн харилцаа, тэмцэл).