Бичгийн а- язгуурт дутмаг үйл үгийн үйлт нэрийн ирээдүй цагийн хэлбэр; байх, орших, бий, бүхий - Олз идэш олон ядагч хүн хийгээд уул модонд явагч араатан хоёрын аху бие ангид болбоос алан идэхийн агаар нэгэн буй. Цогт тайжийн хадны бичиг., аху байдал (байгаа байдал) - Эрэг дээр гарч гэм манай аху байдал түгшүүргүй болно. Ж.Верн. Арван таван наст капитан., аху чинээ (бүхий чинээ) - Сайхан төрийн дунд аху чинээгээрээ сайтар шамдан зүтгэлтэй. Монгол ардын уртын дуу., аху явдал (бүхий явдал) - Тохиол нь хүний аху явдалд их ач холбогдолтой ажаам. Ж.Верн. Арван таван наст капитан., хөдөө сууж ахуд (хөдөө сууж байхад), хүүхэд аху үе (хүүхэд байх үе) - Би бага ахудаа тэдний охин Янжмаатай үерхэж байлаа. Д.Гонгор нар. Д.Сүхбаатарын тухай дуртгалууд.
--oOo--