1. Сэтгэл санаа тайвшрах, дотор уужрах, сэтгэлийн гуниг зовлон арилах - Хулан нэлээд удаан уйлаад сая тайтгарч энэ удаа намайг нэг л аятайхнаар харав. С.Эрдэнэ. Хонгорзул., сэтгэл санаа тайтгарах (сэтгэл санаа тайван болох, сэтгэл санаа тайвшрах), уйлж тайтгарах (уйлж тайвшрах, уйлж тайван болох) - Нулимсандаа тайтгарах ёсон бий. Л.Түдэв. Уулын үер;

---

2. Хилэгнэж байсан уур хилэн намжих, омог нь дарагдах, хорсол тайлагдах: уур хилэн тайтгарах (уур гарч тайвшрах) - Хэдхэн минутын урд Мөнхөөд уур хүрч явснаа, уур тайтгарч бас л өөртөө итгэсэн хүн энэ зэргийн юм хийж болмоор санагдлаа. П.Лувсанцэрэн. Хөдөөгийн дуун;

---

3. [шилжсэн] Цаг агаар тогтуун болох, тэнгэрийн муухай арилах: тэнгэр тайтгарах (хуйсганаж байсан тэнгэр онгойж цаг агаар тогтуун болох).