Хан буюу ноёны угсаа залгамжлагч, алтан ургийн үе удмынхны цол - Нэгэн мах ясны ойрадын тайж нар ч их хааны эрх засгийг дагахгүй элдвээр мөчөөрхөн үе үе босон тэмцэлдэх боллоо. Ш.Нацагдорж. Мандхай цэцэн хатан., тайж хүн (алтан ургийн, хааны угсааны хүн), хохь тайж (хамжлагагүй, ядуу тайж), тайж адуу (Дорноговь аймгийн зүүн хойд нутгаар Тайж адуу хэмээн нэрд гарсан, толгой урт, хүдэр чийрэг биетэй, холын замд цуцаа байхгүй, хулангийн удамтай адуу), тайжийг эвдэх (тайжийг зайлуулах, тайжийн хэргэм зэргийг нь үгүй болгох), тайжийн жинс [ургамал] (ойт хээрийн бүсэд ургадаг, өргөслөг навчтай, хөхөвтөр бөгөөд бөөрөнхий толгойтой ургамал).