Таван арвын нийлбэр: тавин жил (таван арван жил), тавин нас хүрэх (нас сүүдэр таван аравд хүрэх) - Өнөө би тавин таван нас хүрч байна. Ч.Лхамсүрэн. Шүлгүүд., тавин төгрөг (таван арван төгрөг), тавь гарах (нас таван арвыг давах), тавины ноён [хуучирсан] (тавин өрхийн ноён), тавь жар [хоршоо] (а. Дэс тооны тавь, жар дахь тоо; б. Тавь орчим) - Дагалдаа хотын баруун өмнө өнцгийг сахих тавь жаран цэрэг ирж зам тосож айлдруун. В.Инжаннаши. Хөх судар., тавь хүрсэн хүнийг сургаж болдоггүй, таван нохойг тууж болдоггүй [зүйр цэцэн үг] (тавь хүрсэн хүний зан араншин, дадал хэвшлийг өөрчлөхөд тун хэцүү гэсэн санаа), тавь хүрэхэд тахиа нь дуугардаг [зүйр цэцэн үг] (тавь хүрч ухаан суудаг гэсэн санаа).