1. Суух, хэвтэхэд зориулсан хөмрөг; өргөн вандан: тавцан хийх (унтах хэвтэхэд зориулж өргөн банзан ор хийх), нам тавцан (намхан вандан ор);

---

2. Цонхонд хийсэн жижиг тавиур мэт хэсэг: цонхны тавцан (цонхны дор хийсэн тавиар мэт хэсэг);

---

3. Жүжиг, концерт тоглоход зориулсан өндөрлөг тайз, индэр - Танхимын голд дугуй тавцан засав. С.Эрдэнэ. Хонгорзул., хүндэтгэлийн тавцан (ямар нэг баяр, ёслолд зориулан зассан индэр), хөлөг онгоцны тавцан (хөлөг онгоцны индэр, зогсох тай), тавцанд ойртох (а. Тайзанд ойртох; б. Гол, мөрөн, далайн эрэг дээр тусгайлан зассан тайд ойртох), тавцан дээр гарах (а. Тайзан дээр гарах; б. Гол, мөрөн, далайн эрэг дээр тусгайлан зассан тай дээр гарах) - Тавцан дээрээс даллан холдсон хөгжилтэй усан цэргүүд харагдахгүй болов. Л.Дашням. Бурхантын цэцэг; 3. Зорчигчдын галт тэргэнд суух, буухад зориулсан төмөр замын буудлын өндөрлөг талбай: төмөр замын буудлын тавцан (зорчигчид вагонд сууж, буухад зориулан зассан талбай);

---

4. [шилжсэн] Тэргүүн зэрэг, өндөр зиндаа: түүхийн тавцанд гарч ирэх (түүхийн тодорхой үед тэргүүлэх, нэр нь гарах) - Ингэснээр түүхийн тавцан дээр гарч ирсэн юм. “Цог” сэтгүүл., дэлхийн тавцанд гарах (дэлхийн жишигт хүрэх, дэлхийн хэмжээнд нэр нь дуурьсагдах).