1. Дордож доройтсон байдлаас сэхэж дээрдэх, дээшлэх: сэргээн босгох (дахин засаж засварлан бүтээн босгох) - Бид бүр санаа зовохдоо зуны амралтаар одоогийн Волгаград хотын сэргээн босгох ажилд явуулж аль гэж Москва хотын комсомолын хороонд өргөдөл бичсэн юм. С.Удвал. Та бид уулзана;

---

2. Юмыг хуучин хэвд нь оруулах, дундарсныг дүүргэх - Тэгээд худалдаа наймаа харилцаа зэргээ дахин сэргээх тухай ярьсан. Л.Түдэв. Алтан гадас чигийг заана., сэргээн бичих (а. Баларч бүдгэрсэн зүйлийг дахин тодруулж бичих; б. Өнгөрснийг дахин санаж бичих) - Гэвч яагаад ч юм тэмдэглэлээ хөтлөхгүй өдий хүрсэн учир энэ зуны зарим явдлаа товчхон ч атугай сэргээн бичих хэрэгтэй юм. С.Лочин. Газрын дуун., зул сэргээх (бөхөх дөхсөн зулд тос нэмж хийх) - Зул сэргээн бадрааж, арц уугиулаад бурхандаа мөргөж эхлэв. Б.Нямаа. Арандалынхан., хуучнаа сэргээх (хуучин зүйлийг дахин гаргаж хэвшүүлэх) - Хөрөнгөө хураалгаж эрх ямба хасагдсан хар шар феодалууд хууран мэхэлж хуучнаа сэргээх гэж байгаа юм. Ц.Уламбаяр. Зовлон жаргал., зураг сэргээх (бүдгэрсэн, баларсан зургийг тодруулах, баларсан хэсгийг дахин зурах), сэргээн засах (сэлбэн засах);

---

3. Нойрмоглохыг нь болиулах: нойроо сэргээх (нойрмог байдлаас гарах) - Цочихдоо шилээ шөргөөн эвшээлгээд янжуур гарган татаж нойроо сэргээнэ. Г.Дүйнхэржав. Арилшгүй мөр., үзэгчдийг сэргээх (үзэгчдийн урам зоригийг бадраах, хөгжөөх);

---

4. Мартагдаж удсан хэрэг явдлыг дахин үүдэн гаргах: нэр алдраа сэргээх (а. Нэр алдраа дахин мандуулах; б. Гутаан доромжлуулсныг болиулах), сэргээн санах (умартсан зүйлийг дахин санах);

---

5. Сэтгэлээ засах - Одоо чи хан эцгийн элгийг эмгэнүүлэхгүй, зүрхийг зүдүүлэхгүй, өглөө үдэш орж гарч санааг баясган, сэтгэлийг сэргээж яв! Монголын нууц товчоо;

---

6. Муужирсан хүн, амьтны ухаан мэдрэлийг дахин оруулах, сэхээх, ухаан санаагаа саруулсгах: толгойгоо сэргээх (ухаан санаагаа саруулсгах) - Тэгэлгүй яахав, аян замынхаа ядаргааг гаргаж толгойгоо сэргээх хэрэгтэй шүү дээ. Б.Нямаа. Арандалынхан., *малгайн үс сэргээх (салхинд гарах, зугаалахаар явах).