1. Аливаа юмны шороо тоосыг дэвж гөвөх, дугтрах - Үүдэнд зогсоод булган сүүлтэй хар эсгий тоорцгоо авч цасыг нь сэгсрэв. Ж.Дамдин. Үймээний жил., нударгаа сэгсрэх (дээлийн нударгыг дугтрах) - ”Битгий найгаад бай л даа” гээд шамласан нударгаа сэгсэрч эргүүлээд хутгаа буулгаж төв бөгөөд түргэн алхаж гэрт орлоо. Ч.Лодойдамба. Тунгалаг Тамир., хормойгоо сэгсрэх (хормойгоо гөвөх) - Ханд шороо тоос болсон хормойгоо сэгсэрч гэртээ ороод, идээ будаагаа дахин янзалж эхлэв. Б.Нямаа. Арандалынхан., данх сэгсрэх (а. Данхыг дугтарч үзэх; б. [шилжсэн] Данханд байсан зүйлийг хоосортол нь уух) - Тэр нөмгөн босож данх сэгсэрч үзэхэд шал хийх ч юмгүй хов хоосон. П.Хорлоо. Багш;

---

2. Сэжих, займчин хөдөлгөх: толгойгоо сэгсрэх (толгойгоо баруун зүүн тийш ээлжлэн хөдөлгөх) -  Бадарчийн царайг ажиглан харахад ер мэдсэн шинжгүй нүдээ том болгож: -Үгүй гэж толгой сэгсрэв. П.Хорлоо. Багш., илжигний чихэнд алт хийсэн ч сэгсэрнэ, ус хийсэн ч сэгсэрнэ [зүйр цэцэн үг] (муу хүнд сайн үг хэлсэн ч, муу үг хэлсэн ч адилхан хүлээж авахгүй);

---

3. [шилжсэн] Үйл ажлыг биедээ холбогдуулахгүй болгон зайлуулахыг хичээх - Хэн ч халдахааргүйгээр сэгсрэхдээ ч сэгсэрнэ шүү гэж Хас өгүүлэв. Ж.Пүрэв. Гурван зангилаа;

---

4. [шилжсэн] Эд хөрөнгө, мөнгө төгрөгөө үрж барж дуусах: байдгаа сэгсрэх (эд хөрөнгө, мөнгө төгрөгөө үрэн таран хийж юу ч үгүй болох).