1. Догшин ширүүн, аймшигтай - Авгай хүүхнээ хялайж аашилсан сүрхий л эр шиг байна лээ. Л.Дашням. Бурхантын цэцэг., сүрхий араатан (догшин араатан), сүрхий догшин (ноцтой ширүүн, ааш авиртай), сүрхийгээ үзвэл сүмийн банди, доройгоо үзвэл догшин хаан [зүйр цэцэн үг] (хүчтэнээс айж, буурайг дарладаг зантай гэсэн санаа);

---

2. Гайхалтай, ноцтой, маш, туйлын, их - Багш маань ч өөрөө бацаг хэмээх энэ хуралдаа тун их шамдан оролцож хар эрих барьчихсан сүрхий сууна. Ж.Дамдин. Үймээний жил., сүрхий хүйтэн (маш хүйтэн) - Энэхүү их цастай сүрхий хүйтэн өвөл Баавайн нэг сайн морийг чоно иджээ. Б.Бааст. Алтайн хөх дөнөн., сүрхий дуутай (их чанга дуутай), сүрхий хэрэг (ноцтой хэрэг), сүрхий ядрах (ихэд ядрах) - Сүхбаатарын хүнд ажил хүчир бодолд дарагдан нойргүй хонож сүрхий ядарсан боловч цог гэрэлтсэн хурц нүд өөдөөс нь ширтэж байлаа. Ч.Лодойдамба. Тунгалаг Тамир., сүрхий дутагдал (ноцтой дутагдал), сүрхий чамбай (ихэд чамбай, нарийн), сүрхий баярлах (ихэд баярлах), сүрхий хэлэх (нүүрэн дээр нь дутагдлыг нь аймшиггүйгээр хэлэх).