1. Сүр ихтэй - Энэ хэнгэрэг бүрээний чимээ нь яасан сүртэй, чих дөжрөм сүрхий юм бэ гэж тэр эмгэн өгүүлбээс... Б.Ринчен. Гүнж., сүртэй хүн (сүр ихтэй, сүрлэг хүн) - Чи захирлаас битгий ай. Тэр чинь тийм их сүртэй мөртөө сайн санаатай хүн шүү. С.Удвал. Та бид уулзана., сүртэй сонстох (сүр ихтэй, чанга сонсогдох), сүртэй харагдах (сүр ихтэй харагдах) - Нүүр ам нь дэнлүүний гэрэлд ногоон туяа татан, нүд нь гялалзаад догшин сүртэй харагдана. Б.Нямаа. Арандалынхан;

---

2. Бараа ихтэй, овор ихтэй - Таван метр хөндлөн гал, дуу чимээ ихтэй тас няс хийн бадрах нь үнэхээрийн сүртэй ажээ. Ж.Дамдин. Миний монгол., сүртэй ачаа (овор ихтэй өндөр ачаа), сүртэй дүнсийх (сүрлэг харагдах), сүртэй дуулалдах (сүр ихтэй, чанга, цоглог дуулалдах), сүртэй нижигнэх (сүр ихтэй нижигнэн дуугарах) - Цэргийн үлээвэр хөгжим мөн зэрэгцээд сүртэй сайхан нижигнэж эхлэв. “Цог” сэтгүүл.