1. Юмыг гарынхаа алганд хумин барих - Жижиг цагаан гарыг чинь атгаж үзэхийг хүснэ. Ц.Дамдинсүрэн. Түүвэр зохиол., жолоо атгах (а. Жолоо барих; б. Машин тэрэг жолоодох), тас атгах (маш чанга барих) - Гартаа хэт цахиур тас атгаад, тулгын өмнө дөрвөн хөллөж үхсэн эмгэнийг хараад тэр сайхан сэтгэлт өвгөний дотор аягүй болж‎ээ. Б.Ринчен. Үүрийн туяа., шагай атгах (гартаа атган нуусан шагайг нөгөө хүний атгасан шагайн тоотой нийлүүлэн тааварлах тоглоом), атгах базах [хоршоо] (гарын атганд багтаан барих, зууран барих), *чамлахаар чанга атга (юмыг голох, олзонд хэт их шунах хэрэггүй хэмээсэн сургамж), *суусан газраасаа шороо атгах (үл ялих зүйлээс ч ашиг хонжоо олох сүйхээтэй), *тэнгэрийн умдаг атгах (ховорхон аз завшаан тохиох);

---

2. [шилжсэн] Захирах, дарангуйлах - Том гүрнийг төмөр гараар атгаж байсан Манж дайчин улсын төр мөхлөө. Л.Түдэв. Алтан гадас чигийг заана;

---

3. [шилжсэн] Эрх барих: төрийн жолоог атгах (төрийн эрх барих дээд тушаал хаших);

---

4. [шилжсэн] Нударга зангидах.