Цөл говь, уулын тайгад амьдардаг, шавжаар хооллодог, хааяа ургамлын үр навч иддэг, хоншоор нь шөнтгөр урт, маш жижигхэн биетэй, өтгөн зөөлөн ноолуур үстэй нэгэн зүйл дэлэнтэн: бэсрэг атаахай [амьтан] (хоншоор харьцангуй богино, мохоодуу, зоо нуруу, биеийн хажуу тал бараан, хэвэл өехий нь биеийнхээ өнгөнөөс илэрхий цайвар, шүд бараан хүрэн, уулын ой, голын татмын шугуйд амьдардаг), өөдсөн атаахай [амьтан] (биеийн урт 53 мм, Монгол орны хөхтөн амьтны дотор хамгийн жижиг нь болох бөгөөд хоншоор харьцангуй богино, зоо нуруу, биеийн хажуу хэсэг хүрэн, хэвэл цагаан, их төлөв шинэс, шинэсэн-хушин ойд амьдардаг), тавшгар атаахай [амьтан] (хоншоор урт шовх, зоо нуруу хүрэн, хэвэл цайвар, цагаан, уулын ой, голын татам, нуурын хаяаны шугуйд амьдардаг), хонин атаахай [амьтан] (улаавтар туяатай бор саарал зоотой, хэвэл, өехий цагаан саарал, сүүлний дээд доод тал нь их биеийнх шигээ хоёр ялгаатай өнгөтэй, тайга, ойт хээрийн бүсийн ой, хааяа бут сөөгтэй газар ч нутагладаг), хэвлүүн атаахай [амьтан] (зоо нуруу, биеийн хажуу хэсэг бараан хүрэн, хэвэл шаргалдуу цайвар саарал, тайга ойт хээрийн бүсийн ойд амьдардаг).