1. Юмны урсгалыг эсрэг зүсэж явах - Ер нь ч тэгээд үерийн усыг сөрж сэлье гэвэл бороо ороосой гэж хүсэх хэрэг бий билүү дээ. Л.Дашням. Нялх ногоо., жавар сөрөх (салхи жаврын өөдөөс явах), шуурга сөрөх (шуурганы өөдөөс зүтгэх, тэмцэх) - Шуурга сөрөх нь зөв гэж бодоод өдрийн турш шуурга сөрж нэг бяцхан голын дэргэд хүрч ирээд харанхуй болгож... унтав. С.Удвал. Та бид уулзана., урсгал сөрж сэлэх (урсгалын эсрэг зүгт сэлэх);

---

2. Аливаа юмыг эсэргүүцэх, эсрэг үйлдэл хийх - Гэлээ ч хэцүү бүхнийг сөрж, сэтгэлийнхээ хүчийг чангалан яваа хүн. З.Баттулга. Уяхан замбуутив., нарыг сөрж харах (нарны эсрэг харах) - Түүнийг жаргаж байгаа нарны доогуур сөрж харахад дөрвөн зүг найман зовхисоос нь алтан шар гэрэл цацарч сүртэй үзэгдэнэ. Ч.Лодойдамба. Тунгалаг Тамир., сөрж хэрэлдэх (эсэргүүцэн хэрэлдэх) - Хэрэв манайхныг бригадын дарга загнавал урдаас нь сөрж хэрэлдэнэ дээ гэж бодов. “Цог” сэтгүүл., үг сөрөх (эсэргүүцэн үг өдөх, хэрүүл хийх) - Миний хүүхдүүд энэ төрд чамаас илүү буурь суурь эзлэн зүтгэж яваа юм гэж үг сөржээ. Ц.Уламбаяр. Зовлон жаргал;

---

3. [шилжсэн] Сэтрэх: зэтэр сөрөх (гар хөлийн хумсны орчны арьс зулгарах).