1. Дуу чимээ, хөг аялгууг чихнээ сэрж мэдрэх, чагнах - Өдөр бүр та нар тэр хүний дуулахыг радиогоор сонсдог. Б.Бааст. Алтайн хөх дөнөн., үг сонсох (а. Сонорын эрхтнээр бусдын хэлснийг сэрж мэдрэх - Сайхан найдлага төрүүлсэн үг сонсох дуртай байдаг. Ч.Лодойдамба. Тунгалаг Тамир; б. [шилжсэн] Бусдын муушаал, гоочлол, зэмлэлийг хүртэх; в. [шилжсэн] Сураг, сонин дуулах), сэм сонсох (бусдын яриаг сэм чагнах), чих тавин сонсох (анхаарлаа төвлөрүүлэн сэм чагнах), анхаарч сонсох (ихэд анхааралтай чагнах), сонсоод хөгжимдөх (бусдын тоглосон хөгжмийн аяыг тогтоож аваад дуурайн тоглох), сонсож бичих (уншсаныг нь чээжээр бичих), үзэх нүд, сонсох чих болох [зүйр цэцэн үг] (үнэнчээр туслах ба хамт хүчин зүтгэх) - Улс гүрнийг тохинуулж байхад чи үзэх нүд, сонсох чих болж яв! Монголын нууц товчоо;
--oOo--