1. Юмсыг харилцан солих: ноот бичиг солилцох (ноот бичиг бие биедээ барих), сүй бэлэг солилцох (сүй тавих) - Сүй бэлэг солилцох, эр эм бололцох ёсыг дагах л болно. Н.Банзрагч. Зам., хувцас солилцох (хувцсаа харилцан өгч авалцах), арилжин солилцох (эд юмыг өөр ямар нэгэн зүйлтэй дүйцүүлэн солих), харилцан солилцох (харилцан өгч авалцах);

---

2. Халалцах: ээлж солилцох (ажлыг ээлжээр гүйцэтгэх үүрэгтэй хүмүүс халаагаа дамжуулах, халаа авалцах) - Бас ээлжийн ахлагчид гурван ээлж солилцохдоо энэ зарлигийг хишигтэндээ сонсгож байтугай. Монголын нууц товчоо;

---

3. Бие биеэс асууж хариулах, харилцан ярилцах: санал бодлоо солилцох (санал бодлоо ярилцах) - Бид хоёр номоо үзэн, энэ тэр зургийн талаар санал бодлоо солилцож суув. Л.Дашням. Бурхантын цэцэг., туршлага солилцох (бие биесийн туршлагыг харилцан ярьж таниулах, бие биесээс суралцах) - Хөдөө аж ахуйн тэргүүний сайчуудын туршлага солилцох энэ зөвлөгөөнд явж байв. Т.Рэнцэн. Шинэ даваа., үг солилцох (санал бодлоо харилцан ярих).