1. Сийлж гаргасан хэв дүрс буюу сийлж хийсэн зүйл: нарийн сийлбэр (уран нарийн ухаж, зорж хийсэн урлал) - Гэгээн нарийн сийлбэртэй зандан орон дээр шар торгон хөнжилд шурган... хэвтэнэ. Ц.Уламбаяр. Зовлон жаргал., товгор сийлбэр (бичиг, дүрс мэтийг товойлгон сийлсэн урлал) - Хойморт байрлуулсан алтан товгор сийлбэр бүхий өндөр нам хоёр бурхны ширээн дээр зүмбэр бүхий эрээн гүнгэрваанд шүтээн нь байдаг. Ж.Дамдин. Үймээний жил., мод чулуун сийлбэр (мод, чулууг зорж, ухаж хийсэн урлал) - Тэнд сувд тана, оюу номин чулуу шигтгэсэн чимэг зүүлт, зааны ясан, модон, чулуун сийлбэр тэргүүтэн байв. С.Эрдэнэ. Малын хөлийн тоос., ясан сийлбэр (ясыг ухаж, зорж хийсэн сийлбэр), сийлбэрийн хутга (сийлбэр хийхэд зориулсан хутга);

---

2. Урлаж сийлэх ажил: сийлбэрийн урлаг (сийлбэр хийх ардын гар урлалын нэг төрөл), сийлбэрт суралцах (сийлэх ажил, арга ухаанд суралцах) - Дуу хөгжим, зураг сийлбэр тэргүүтэн бусад салбараас эрхбиш хир хэмжээгээр суралцах нь чухал. С.Буяннэмэх. Түүвэр зохиол;

---

3. Сийлсэн мэт уран нарийн бие цогцос, тогтоц: сийлбэр сайтай морь (сийлсэн мэт уран бие галбиртай морь).