1. Хэвэгч амьтны дөрвөн хэлтэст ходоодны нэг: сайн сархинаг (дотроо иржгэр хээ мэт салбантай), муу сархинаг (хэвэгч амьтны гүзээний хажууд байх салбан), *сархинаг хатах (ихэд ангаж ундаасах), *сархинаг дэвтэх (амны цангаа гарах) - Галсан нэг өндийж бусдыгаа тойруулан харснаа дахин савтай уснаас хахаж цацан залгиллаа. Тэр сая л сархинаг нь дэвтэв бололтой газар алдлан хэвтээд өгөв. С.Пүрэв. Газар усны дууль;

---

2. [шилжсэн] Цоорхой олонтой, нүх сүв болсон байдал - Хүрмэн чулуу мэт сархинаг нүхт пэмбэгэр резинээр сээр нуруу, хүзүү хоолойгүй зүлгэнэ. Л.Дашням. Бурхантын цэцэг., сархинаг тооно (дотроо жижиг хоролгүй, хойно урдаасаа даруулсан зургаан ширхэг даагатай тооно), сархинаг цонх (хөндлөн нарийн моднуудыг дунд нь завсар гарган жишүү сараалжилж хийсэн гэрэл, ус нэвтрэхгүй зөвхөн агаар орох нэгэн зүйл цонх), зөгийн сархинаг (зөгийн үүр).