1. Аливаа уралдаан тэмцээнд түрүүлсэн хүн, баг - Өөрөө болохоор хонио энд сэм таргалуулаад аварга цол хүртэж байдаг. Л.Түдэв. Хор., аварга малчин (малаа өсгөн үржүүлж сум, аймаг, улсад түрүүлсэн малчин), хөл бөмбөгийн аварга (хөл бөмбөгийн тэмцээнд түрүүлсэн баг, хүн);

---

2. Улсын наадамд түрүүлсэн арслан цолтой бөхөд олгох цол: даян аварга (улсын аварга цолтой бөх улсын наадмаар түрүүлбэл олгох цол) - Тооноор од анивчихыг ажиглан хэвтэхэд Насангийн нүдэнд Хүдэр даян аварга ер харагдаад болохгүй байв. Д.Цэдэв. Улаан хамбан зодогт буюу тавын даваа., дархан аварга (даян аварга улсын наадмаар түрүүлбэл олгох цол);

---

3. Үлэмж хэтийдсэн, урьд өмнө нь байгаагүй: аварга амжилт (урьд өмнө нь гарч байгаагүй амжилт) - Ажлын найман цаг дуусахад Гунгаа ерэн тонн нүүрс хүрздэж уурхайн аварга амжилт тогтоочхоод хөл дээрээ дөнгөн данган тогтож ядан дайвалзаж зогслоо. Т.Баасансүрэн. Бутач.