Улсын эдийн засагт чухал үүрэг гүйцэтгэдэг мөнгөн хөрөнгө, төрийн зүгээс түүнийг зохицуулан ашиглах үйл ажиллагааны цогц: санхүүгийн ажилтан (мөнгөн хөрөнгийн сан бүрдүүлэх, түүнийг зарцуулан ашиглах ажиллагааг гүйцэтгэх ажил эрхэлдэг хүн) - Санхүүгийн ажилтан хүмүүс төсвийг зохих зүйлд нь саадгүй зөв зарцуулах үүрэгтэй. Ж.Дамдин. Миний монгол., санхүүгийн бодлого (засгийн газрын төсвийг зарцуулах, төсвийн эх үүсвэрийг татвараар нөхөн бүрдүүлэх, зах зээлийн эдийн засгийн тэнцвэрийг хангах төрийн бодлого), санхүүгийн зууч (мөнгөн хөрөнгийг хуримтлуулагчаас авч, хэрэглэгчдэд зээл өгдөг байгууллага), санхүүгийн үзүүл‎элт (мөнгөн хөрөнгийн төвлөрсөн болон төвлөрсөн бус сангийн үзүүлэлт) - Хоёр жилийн баланс, санхүүгийн үзүүлэлт сайнаас онц дүнтэй гарчээ. “Хөдөлмөр” сонин., санхүүгийн шалгалт (байгууллагын хөрөнгө мөнгөний орлого, зарлагын зарцуулалт зэргийг шалгах үйл ажиллагаа), санхүүгийн хэлтэс (санхүүгийн асуудал хариуцсан хэсэг), банк санхүү [хоршоо] (санхүүгийн байгууллага, мөнгөн санхүү).