1. [шашин] Мөнх бусын хоосон чанарын орон буюу орон зай, цаг хугацаа бүхий хамаг амьтны эцэс төгсгөлгүй зовлонгийн хүрдэн тойрог; энд хүмүүс энэ насны зовлон хийгээд түүний учир шалтгааны үнэнийг таньж, хүлцэн өнгөрөх ёстой: сансрын үзэгдэл (ертөнцийн аливаа үзэгдэл), сансрын хүрд (а. Хамаг амьтан үйлийн үрээр эргэн төрж, эвдрэн мөхөх, дахин бий болж зовлонгоо эдлэх нь тэрэгний хүрд мэт зогсолтгүй эргэдэг хэмээсэн буддын шашны онолын ухагдахуун; б. Мөнхүү ухагдахууныг илэрхийлсэн нэгэн зүйл зураг), сансрын далай [ёгт] (тоост ертөнц), сансрын зовлон [хуучирсан] (байгалийн гамшиг), сансрын зураглал (дэлхийн бөмбөрцгийн гадаргыг сансрын хиймэл дагуулаас зураглах арга);

---

2. Дэлхийн бөмбөрцгийн агаарын давхаргаас гадуурх орон зай, огторгуй - Уудам сансар урьдынхаасаа улам гүн, улам ч амарлингуй тайван, од мичид нь улам ч олон, улам ч гэрэлтэй харагдана. Б.Нямаа. Арандалынхан., сансрын зам (огторгуйн зам)  - Дэлхийн анхны хиймэл дагуулын… дохиог сонссон, сансрын зам анх нээсэн Ю.Гагариныг сайн мэднэ. М.Чойжил. Андын нутаг алсдахгүй., сансрын нисгэгч (огторгуйгаар аялагч) - Сансрын нисгэгчид буцаж ирээд анхны цэцгээ тэр хөшөөнд тавьж билээ. М.Чойжил. Андын нутаг алсдахгүй., сансрын цаг (нарны цаг)- Эндэх бүх ажил явдал сансрын цагаар хэмжигдэж байна. М.Чойжил. Андын нутаг алсдахгүй., сансрын нүд [ёгт] (нар), сансрын сар (эртний энэтхэгийн есдүгээр сар), сансрыг эзэмших (огторгуйг эзэмших), сансар хорвоо [хоршоо] (дэлхийн бөмбөрцөг хийгээд бусад одон гарагсыг багтаасан хязгааргүй огторгуй) - Манай гараг сансар хорвоогийн ирээдүй нь гэрэлтэж сайхан итгэл найдвар төрж байв. М.Чойжил. Андын нутаг алсдахгүй., сансар огторгуй [хоршоо] (сансар хорвоо).