1. Бөс даавуугаар байшин дүрстэй дөрвөлжлөн хийсэн туургатай том майхан, сэрүүн сүүдрэвч: асар босгох (майхан цогцлон барих), асар дээвэр (барилгын ноён нуруунаас дөрвөн зүг тус бүр хос гурвалжин дөрвөлжин дүрс үүсгэдэг дээвэр), асар зах (дээвэр бүхий задгай зах), асар майхан [хоршоо] (туурга ваадан бүхий оромж) - Цав цагаан гэр эрээн асар майхныг их л журамтай барьж‎ээ. Б.Ринчен. Үүрийн туяа., асар саравч [хоршоо] (дээвэр саравч), асар тагт [хоршоо] (доор нь хүн сэрүүцэж амрах зориулалт бүхий нэг талаараа задгай майхан маягийн сүүдрэвч) - Хараацай тагтаа харанхуй шөнө тул үүр үүрээ эрэн гэр байшингийн саравчийн доор ба асар тагт орд харшийн унь нуруунд шурган оролцоно. В.Инжаннаши. Хөх судар., асар харш [хоршоо] (эрхэмлэх хүний амьдрах өргөө болон сэрүүцэн суух сүүдрэвч) - Эрдэнээр өнгөлсөн асар харшийн тэр байдлыг үлгэрлэн зүйрлэвээс... Галидас. Үүлэн зардас;

---

2. Байшин буюу хаалга хэрмийн дээр барьсан саравчит давхарлаг, асар хаалга: харуулын асар (харуул байх саравчтай жижиг байр), дуганын асар (дуганын саравчит давхар) - Хүрээний дундаас цогчин дуганын асар дээш овойж үзэгдэнэ. Ц.Дамбадорж. Толбо нуур.