1. Бодон санаж буй зүйл, хүс‎эл, ‎эрмэлзэл: оновчтой санал (тухайн асуудлыг шийдвэрлэхэд тус болохуйц санаа оноо), өрөөсгөл санал (аливаад хандахдаа зөвхөн нэг талыг нь илүүтэй анхааран баримталсан үзэл бодол), санал авах (юу хүсэж байгааг нь анхаарч мэдэх, бодол хүслийг нь сонсох) - Түшээт Цэцэнхан хоёр аймгийн цэргээс санал аваад байсан түшмэл чинь хоёр зуугаад хүн аваад явсан шүү. Л.Түдэв. Алтан гадас чигийг заана., санал асуух (хүс‎эл бодлыг нь асууж сонсох) - Хэрэв явуулахаар болоод санал асуувал говийн аймагт явна даа гэж бодов. С.Удвал. Та бид уулзана., санал гаргах (бодол хүслээ хэлэх) - Цагаан мод хаях санал гаргаж хэд хэд хуваагдаад зүг бүрд тархав. Л.Түдэв. Нүүдэл., санал өгөх (бодож санаснаа бусдад хэлэх, хүслээ илэрхийлэн гаргах) - Тэр өдрүүдэд хол ойрын олон эрчүүд ардын журамт цэрэгт элсэх санал өгч байсны дотор Батын Равдан байв. Н.Батбаяр. Өндөрт хатгасан туг., санал дэвшүүлэх (а. Тухайн асуудлын талаарх үзэл бодлоо илэрхийлэх; б. Шинэ санаа оноо гаргах) - Чингэхдээ хүч хэрэглэн шууд устгах санал дэвшүүлнэ. Ч.Лодойдамба. Тунгалаг Тамир., санал илэрхийлэх (ямар н‎эгэн асуудлын талаар бодож санаснаа х‎элэх), санал зөрөх (үзэ‎л бодол таарахгүй зөрчилдөх) - Бид нар хоорондоо ингэж санал зөрөөд нохой мэт хэрэлдээд байх юм бол юу болох вэ? Ч.Ойдов. “Их жанжин Сүхбаатар танаа”., санал зөрөлдөх (санал үл нийлэх), санал хуваагдах (асуудалд өөр өөрийн байр сууринаас хандаж үзэл бодол нийлэхгүй байх), санал оруулах (санаж бодож буй зүйлээ илэрхийлэх, өргөн барих) - Та ажилтайгаа танилцаад ямар ямар арга хэмжээ авах тухайгаа яаманд санал оруулаарай. Ж.Бямба. Их аяныхан., санал нийлэх (бодол санаа нь таарч тохирох) - Гэсэн ч санал нийлсэн болохоор сайхан л амьдарч байна. Н.Банзрагч. Зам., санал нэгдэх (илэрхийлэн дэвшүүлж буй үзэл бодол нийлэх), санал н‎эгтэй (бусдын үз‎эл бодолтой адил), санал х‎элэх (өөрийн бодлыг хэлэх), санал тавих (өөрийн үз‎э‎л бодлыг бусдад дуулгах, илэрхийлэх) - Уг нь би өөрөө л ийм санал тавьсан юм. Ч.Алагсай. Алтайн зам., санал солилцох (аливаа зүйлийн талаарх өөрсдийн үзэл бодол, туршлага зэргээ хэлэлцэн ярилцах), саналаар нь болгох (хүссэнээр нь шийдэх), саналаараа ирэх (өөрийн хүслээр ирэх) - Тэгээд уурхайд ажиллана гээд саналаараа ирсэн юм аа даа. С.Лочин. Сэтгэлийн өнгө., санал алдах (а. Гомдох; б. Н‎эр дэвшигч сонгогчгүй болох), санал алдагдах (урам хугарах) - Хятадын Даа жунтны хөрөгт мөргүүлэх санаатай байхад монгол хүн бүхний сэтгэл давчдан санал алдагдаж билээ. Ж.Дамдин. Үймээний жил., санал асуулга [хоршоо] (дэвшүүлэн тавьж буй асуудлын талаар олон нийт болон зохих албаны хүний үзэл бодлыг асууж хариу авах нь), санал бодол [хоршоо] (санаж бодож буй зүйл)  - Тэдэнтэй ярьж хөөрөх, санал бодлыг нь сонсох гэж ирсэн байна. Б.Бааст. Алтайн хөх дөнөн., санал гомдол [хоршоо] (ямар нэгэн асуудлын талаарх тухайн хүний хүсэл, гомдол), санал хүсэл [хоршоо] (хүний санаа бодол, эрмэлзэн мөрөөдөх сэтгэл) - Энэ жилээс эхлээд өөрийн санал хүслээр өч төчнөөн охид хөвгүүд хөдөө аж ахуй, үйлдвэр барилга дээр гарах гэнэ. Б.Бааст. Алтайн хөх дөнөн., санал шүүмжлэл [хоршоо] (тухайн асуудалд хандах үнэлэлт дүгнэлт, бодол санаа) - Өөрийн санал шүүмжлэлийг ийнхүү бичиж ирснийг ихэд сайшаан угтана. С.Буяннэмэх. Түүвэр зохиол., санал шүүмжлэл өрнөх (тухайн асуудлын хүрээнд үзэл бодлоо хуваалцан ярилцах), саналын эрхт [хуучирсан] (мэргэн ухаантан), саналын дүрс [хуучирсан] (сайхан бүсгүй);

---

2. Олон нийтийн байгууллага, төрийн төлөөллийг сонгоход өөрийн бодлыг илэрхийлэх эрх: саналын хуудас (санал бичс‎эн хуудас) - Та бүхэн саналынхаа хуудсыг цуглуулж өгнө үү гэв. Л.Түдэв. Алтан гадас чигийг заана., олны санал (олон түмний үз‎эл бодол) - Нээрээ л олны саналыг харгалзах намын ёс байна. Ц.Уламбаяр. Зовлон жаргал., санал хураалт (санал авах үйл явц), олонхын саналаар болох (тухайн асуудлыг шийдвэ‎рлэхдээ олонхын саналыг баримтлан шийд‎эх), санал хураах (санал авах, санал цуглуулах), нууцаар санал хураах (өгсөн саналыг бусад хүн мэдэхгүйгээр санал авах), санал хуваагдах (а. Эргэлзэх тээнэгэлзэх; б. Асуудлыг шийдвэрлэхэд хүмүүсийн бодол зөрөлдөх, ацдах), санал боогдуулах (санал бодлыг нь хяхан хавчих) - Та өөрөө гишүүдийн санал боогдуулдаг шүү. Л.Түдэв. Нүүдэл.