1. Бие том, хүч чадал ихтэй хүн, амьтан; аварга загас [амьтан] (эрүүн дороо байрласан том амтай, далайд амьдардаг, маш том махчин загас) - Аварга загасны хоол болох дөхлөө дөө. “Цог” сэтгүүл., аварга могой [амьтан] (халуун оронд амьдардаг, том биетэй могой, хоргүй боловч амьтан барьж иднэ), аварга тас [амьтан] (махчин шувуудын дотор биеэр хамгийн том, нэг метр гаруй урт биетэй, дэлгэсэн далавч нь гурван метр хүрдэг, гялалзсан хар өдтэй, амьтан барьж иддэггүй, сэг зэмээр хооллодог шувуу);

---

2. Хэмжээ цараа ихтэй, асар том юм: аварга хөрөө (том хөрөө), аварга том (асар том) - Ай түмэн шоргоолжны аварга том үүр шиг амьтны нүгэлт орчлон. Д.Пүрэвдорж. Хорьдугаар зуун., аварга сар [одон орон] (Санчир гарагийг тойрсон есөн дагуулын хамгийн том нь), аварга од (нарнаас гэрлийн хэмжээгээр зуугаад дахин, диаметрээр арван хоёр дахин, массаар 1,5 дахин их байдаг ашдын од), аварга хүн (1.өнчин тархины өмнө талын ажиллагаа нь онц хөгжсөнөөс бие бялдар нь ерийн хүнээс онцгой өндөр бүдүүн болсон хүн, 2.домогт гардаг хувилгаан хүчтэй өндөр бүдүүн хүн, 3.[шилжсэн] асар их нөлөөтэй бөгөөд агуу их гавьяа зүтгэлтэй хүн).