1. Байгууллага, хамт олны доторх нэгж, зохион байгуулалтын нэг хэлбэр: аж ахуйн салаа (тухайн байгууллагын аж ахуйг хариуцсан хэсэг), барилгын салаа (барилгын ажил хариуцан гүйцэтгэх ажлын хэсэг), салаа тасаг (а. Байгууллага, хамт олны доторх зохион байгуулалтын хамгийн бага хэсэг; б. Цэргийн зохион байгуулалтын хамгийн бага хуваарь) - Би ч яахав, салаа тасгийнхаа нөхдөөс ямхын төдий хожимдолгүй давшиж, харагдсан тохиолдсон самуурайг жадлахыг нь жадалж, буудахыг нь буудсаар явав. Т.Дэчингунгаа. Өөдрөг зам;

---

2. Цэргийн сумангийн жижиг анги - Пунцаг жанжны удирдсан хоёр салаа зүүн гар талыг барьж давшив. Ч.Лувсанжав. Дамдины бага хүү., тагнуулын салаа (тагнуулын үйл ажиллагаа гүйцэтгэдэг анги) - Буяндэлгэрийг өөрийн цэргийн тагнуулын салаанд орж байлдахыг тушаажээ. С.Дашдэндэв. Улаан наран., их бууны салаа (их бууны анги), морин салаа (морьт цэргийн жижиг анги) - Эрдэнэ Монгол улсын ардын цэргийн морин салааны дарга болжээ. Ч.Лодойдамба. Тунгалаг Тамир., салааны дарга (цэргийн суман доторх жижиг ангийн захирагч), салаа цэрэг (цэргийн сумангийн жижиг анги) - Тагнуулд яваа салаа цэргийн түрүүнд Добрушин, хөөрхөн алаг морь унаж товолзтол алхуулж зарим газар хатируулж цогиулсаар явлаа. Ч.Алагсай. Алтайн зам., салааны шийтгэгч [хуучирсан] (эрүүгийн хэргийг шалган байцаах хэсгийн дарга).