1. Сагсгар болох, тал тал тийшээ дэрвийж харагдах: мод сагсайх (модны мөчир олон тийшээ унжих) - Гөлөглөсөн бургас сагсайж ногоорно. Ц.Уламбаяр. Зовлон жаргал., үс сагсайх (үс сэгсийх) - Үс нь сагсайх аваас хань болох эрийн итгэл сүсэг алдагддаг ёсон бий. В.Шарма. Таван сургамж;

---

2. Шингэн зүйлийн исэж сагах: будаа сагсайх (будаа исэж муудах), өрөм сагсайх (өрөм гашилж дээш төвийх), тараг сагсайх (тараг сагах);

---

3. [шилжсэн] Биеэ тоосон байдал гаргах; магтаалд сагсайх (магтаалд омогшин биеэ тоох), Хүлээм хүндэтгэлд үл сагсайх, хараал зэмлэлд үл гулзайх. Ц.Уламбаяр. Зовлон жаргал., онгирон сагсайх (биеэ тоож сагсуу зан гаргах) - Хамгийн гол нь онгирон сагсайж нөхөр хүнээ мартав заа. В.Шарма. Таван сургамж.