1. Мод ургамлын мөчир, навч, нахиа зэргийн багшран сагсайж ургасан байдал - Саглагар саглагар модонд шаазгай шувуу донгодно хөө. ААЗ., саглагар мод (навч нахиа, мөчир салаа ихтэй мод) - Хотулыг хаан өргөмжлөөд Хархоногийн саглагар модны дор хавирга газрыг халцартал, өвдөг газрыг өлтөртөл дэвхцэн бүжиглэж хуримлав. Монголын нууц товчоо., саглагар баглагар [хоршоо] (багсайж сагсайсан байдал), саглагар гэсэр цэцэг [ургамал] (үслэг гэсэр цэцэг);

---

2. Ямар нэгэн зүйлийн овор бараа, үс ноос ихтэй, навсгар байдал: саглагар амьтан (овор, үс ноос ихтэй навсгар амьтан) - Тэд уулын хаяагаар бэлчиж яваа цацаг болсон сүүлтэй саглагар том амьтдыг ихэд сонирхон харцгаалаа. Б.Нямаа. Арандалынхан., саглагар сүүлтэй хэрэм (өтгөн сүүлтэй хэрэм) - Саглагар сүүлтэй жижигхэн хэрэм хуш модны орой дамжин нэгээс нөгөөд дамжин үсэрч байв. С.Лочин. Сэтгэлийн өнгө., саглагар үхэр (үс ноос ихтэй үхэр), саглагар мод ургаагүй бол шаазгай хаанаас ирэх вэ [зүйр цэцэн үг] (а. Хэрэг явдалд учир шалтгаан бий; б. Хэргээ бусдад түлхэх гэсэн санаа).