1. Саваа модоор цохих - Сэлэнгэ мөрний торгон ногоон зүлгэн дээр хониныхоо ноосыг сэвсийтэл савна. Ж.Дамдин. Үймээний жил., унгас савах (унгасыг саваагаар цохин хог, шорооноос нь салгах) - Цэвэгмид минь үнээ саана, хонь хяргана, ноос унгас савна, гэзэгнээс нь хүртэл сүүний үнэр ханхалдаг гэж Магсаржав бодож суулаа. С.Удвал. Их хувь заяа., савах гөвөх [хоршоо] (саваа модоор цохих);

---

2. Ямар нэгэн зүйлд хавсран хүчтэй цохих, гуядах - Ар зоогоор нь газар дуугартал савав. Д.Цэдэв. Айргийн амт., газар савах (газарт цохих) - Таны цусаар гараа бузарлахаас цээрлэж байна гээд бууг нь авч газар савж хэмхлээд гарав. Ц.Уламбаяр. Зовлон жаргал., хага савах (ямар нэгэн зүйлийг хагартал нь хүчтэй гуядах), чулуу савах (чулуунд хавсран цохих) - Уур шар нь хөдөлсөн нэгэн сармагчин ухасхийн үсэрч илүү үгтийг далавчнаас нь зуурч аван, чулуу савав. В.Шарма. Таван сургамж;

---

3. Салхи хуй з‎эрэг гаднын нөлөөгөөр хаалга, цонх онгойж хаагдах: салхинд цонх савах (салхилсны улмаас цонх онгойж хаагдах, хүчтэй гуядагдах), хаалга савах (а. Хаалгыг гуядан хүчтэй хаах - Бямбаа хаалга саваад гарч одлоо. С.Эрдэнэ. Хонгорзул; б. Ямар н‎эгэн гаднын нөлөөллөөс болж хаалга савчих).