Аливаа юмыг шохоорхох, оролдох сониуч зан - Сайн ухаант хүн ашид өөрийн гэмээ шинжлэх, саваагүй муу хүн ямагт бусдын гэмийг хэлэх. Гунгаажалцан. Субаши., саваагүй амьтан (сониуч зантай хүн, амьтан) - Хүн гэдэг тун саваагүй амьтан шүү. Б.Бааст. Алтайн цэцэг., саваагүй зан (мэдэх мэдэхгүй юм бүхэнд хүрч оролцож байдаг сониуч, шохоорхуу зан) - Ганбаатар саваагүй зандаа гэмшиж, Думааг түргэхэн гэгч нь татаж босгов. С.Лочин нар. Галтай залуу нас., саваагүй хүүхэн (хэрэг бүхэнд оролцож байдаг эх захгүй, даруулгагүй хүүхэн) - Саваагүй хүүхэн бадамтай самбаганая гэсэндээ биш юм. С.Дашдэндэв. Гурван айл., таван саваагүй (чимхүүр, сам, чихний ухуур, шүдний чигчлүүр, хумс цэвэрлэх хэрэгсэл), саваагүй хүний нүд уран, салан хүний санаа уран [зүйр цэцэн үг] (хэрэгт дуртай хүн ажигламтгай байдаг гэсэн санаа), саваагүй нохой саранд хуцна, сарьсан багваахай наранд хатна [зүйр цэцэн үг] (хүч чадал хүр‎эхгүй зүйлд оролцох дуртай хүнийг мохоон хэлсэн нь), сайн ухаант хүн ашид өөрийн гэмийг шинжилнэ, саваагүй муу хүн амьтан бусдын гэмийг хэлнэ [зүйр цэцэн үг] (ухаантай хүн өөрийн дутагдлыг хүлээн зөвшөөрч алдаанаасаа суралцаж байдаг бол ухаан муутай, хэрэгт дурламтгай хүн бусдаас өө сэв эрж байдаг гэсэн санаа), саваагүй тоглоом бүү тогло, санамсаргүй үг бүү хэл [зүйр цэцэн үг] (хэрэгтэй хэрэггүй зүйл бүү оролц, болгоомжтой яв гэсэн санаа).