1. Боломж гарах төдийд, боломж л гарвал - Сав л хийвэл аав нь ирж, ар гэрийн гачигдалтай гэж үглэсээр чөлөө авч Цэвэлийг хичээл номоос нь хөндийрүүлдэг. Л.Түдэв. Нүүдэл., ав сав [хоршоо] (а. Бага сага, ойр зуурын; б. Хөнгөн хуумгай, тогтворгүй; в. Хэрэг явдал алдаг оног, хааяа болох нь; г. Ажил төрлийг түргэн шаламгай хийх нь), ав сав ажил хийх (а. Бага зэрэг, ойр зуурын ажил хийх; б. Ажилд хуумгай хандах, ор нэр төдий хийх; в. Ажлыг түргэн, шуурхай хийх), ав сав ажиллах (шаргуу ажиллах);

---

2. Байсхийгээд, байн байн - ав сав орох (үе үе орох), сав хийвэл уурлах (түргэн ууртай), сав хийвэл эвдэх (үргэлж, юуны түрүүнд л эвдэх) - Сайхь жолооч сав хийвэл тэргээ эвдчихсэн, зам сахиад тоостойгоо зууралдан сууж байдаг. Ж.Бямба. Их аяныхан.