1. Гэм зэмийг нэхэмжлэлгүй уучлах, хэлтрүүлэх - Төрийн сүлд өршөө. Б.Чойндон. Галбын говьд., өршөөх бичиг (ял зэмийг хэрэгсэхгүй болгосон буюу хөнгөтгөсөн тухай бичиг), өршөөн хэлтрүүлэх (алдаа дутагдал, ял зэмийг нэхэн хэлэлцэлгүй уучлах) - Монгол угсаатны хүний хувьд өршөөн хэлтрүүлж нутагт нь буцаажээ. С.Дашдэндэв. Улаан наран., соёрхон өршөөх (өршөөл соёрхох) - Жаха хамбыг тэрэгний нөгөө арал мэт яв гэж соёрхож өршөөв. Монголын нууц товчоо., нигүүлсэн өршөөх (алдаа дутагдлыг нь хэлтрүүлэн, тусалж дэмжих) - Нүдэж жанчих нь байтугай нигүүлсэж өршөөнө чамайг гэв. Ч.Лхамсүрэн. Мамий Жүкей хоёр;

---

2. Зовж зүдэрсэн хүнд туслах, аварч энэрэх: өршөөж хайрлах (хайрлан энэрч туслах) - Тэнэг боловч тэнцэшгүй хүчээ өгч үхэн зүтгэн дүү минь тэнгэр хэмээвч тийм хүнийг хүмүүжүүлэн мандуулж өршөөн хайрлах буюу дүү минь. В.Инжаннаши. Хөх судар., бурхан өршөө (найтаахад хэлдэг үг) - Бурхан өршөөх болтугай. “Цог” сэтгүүл.