1. Өршөөх байдал: өршөөл үзүүлэх (уучлан хэлтрүүлэх), өршөөлд багтах (а. Хайр ивээлийг хүртэх; б. [шилжсэн] Хэрэгтний ялыг хөнгөлсөн тухай ерөнхийлөгчийн зарлиг хүлээн авах), өршөөл гуйх (өөрийн буруугаа хүлээн зөвшөөрч, бусдаас аврал эрэх, тус болохыг хүсэх), өршөөл ивээл [хоршоо] (ач тус, тэтгэмж) - Өршөөл ивээл өгвөл түмний санаа наашилдаг. В.Шарма. Таван сургамж., өршөөл нигүүлсэл [хоршоо] (энэрэн нигүүлсэх нь), өршөөл халамж [хоршоо] (бусдад энэрэнгүй сэтгэлээр хандан асарч тэтгэх нь), өршөөл хайр [хоршоо] (а. Ихэс дээдсээс хүртээх хайр ивээл - Жич хааны өршөөл хайрыг бас бүрэн тоочиж... В.Инжаннаши. Хөх судар; б. Дээд байгууллагаас олгосон шагнал), өршөөл хайрыг хүртэх (а. Ихэс дээдсийн ивээл хайрыг хүртэх; б. Дээд байгууллагаас шагнан урамшуулах), өршөөл хишиг [хоршоо] (энэрэн нигүүлсэж, хайр ивээлээ хүртээх нь) - Эр хүний эрх сүр өршөөл хишиг аваас ярагдаа хаан сууж болно. В.Инжаннаши. Хөх судар., аврал өршөөл [хоршоо] (аварч энэрэх нь), энэрэл өршөөл [хоршоо] (хайрлан энэрэх байдал), өргөстэй боловч өөрийн нутаг, өршөөлгүй боловч өөрийн ээж [зүйр цэцэн үг] (хэцүү ч гэсэн өөрийн нутаг, ээж хэзээд дотно гэсэн санаа);