1. Мэдрэгдэх, харагдах, баригдах: гарт өртөх (гарт баригдах) - Багш Хүрлээ, Аюурын гарт өртөж юу болсныг хэлэхийн аргагүй. П.Хорлоо. Багш., нүдэнд өртөх (нүдэнд ил харагдах) - Хөвөлзөх үүлсийн чанад нүдэнд өртөх юмгүй их л уйтгарлана. Л.Дашням. Нялх ногоо., нүдэнд өртөхгүй шахам (бараг харагдахгүй шахам маш жижиг зүйл),

---

2. [шилжсэн] Хуваасан зүйлийн оногдох: өртөж хүртэх (а. Биед мэдрэгдэх; б. Хуваарилсан зүйлээс өөрт ноогдох);

---

3. [шилжсэн] Дайрагдах, нэрвэгдэх: муу юманд өртөх (муу зүйлтэй таарч тохиолдох) - Муу юманд өртөхөөс ямагт болгоомжилж яв. И.Дамбажав. Монгол үгийн дээж., өртөхгүй өнгөрөх (биеэс холуур, хамааралгүй өнгөрөх), суманд өртөх (суманд оногдож шархдах) - Дөнгөж хорин насандаа тугалган суманд өртжээ. Б.Жамц. Сэтгэлийн нууц., хуулинд өртөх (хуулийн дагуу шийтгэгдэх) - Хулгай хийсэн хүн хуулинд өртөхөөс урьд хадан асгат уулын хавцалд бүгвэл сайн сан. Ч.Алтангэрэл. Монгол зохиолчдын төвөдөөр бичсэн бүтээл.