1. Сураг чимээ сонсох, хэл чимээ харилцан өгөх - Энэ үе Чимхүүр, Сувдаг, Салжидмаа гурав сургуулийн байшингийн хажууд урьд ёсоор ирж Сандагтай хэл мэдээ авалцан байна. Д.Нацагдорж. Ондоо хүмүүжил., хэл ул авалцах (сураг чимээ сонсох);

---

2. Тэмцэлдэх, ноцолдох, хэрэлдэх: ана мана авалцах (хүч тэнцүү үзэлцэх), авалцан дийлэх (ялан дийлэх) - Хэцүү бэрхтэй авалцан ноцолдож дийлээд явж гэнэ ээ. ААЗ;

---

3. Нийлж нэгдэх: дуу дуугаа авалцах (нэгнийхээ дуунаар бусад нь зэрэг дуугаран хүч түрэх), зангаа авалцах (зангаа мэдэлцэх) - Эднийх айл аймаг сууж зан зангаа авалцсан хүмүүс дээ. Ж.Бямба. Үнэний хорвоо;

---

4. Асах, ноцох -Эгшин зуур их гал авалцан дэгдэж дөл дүрэлзэн танхимын адарт тулна. Б.Ринчен. Цогт тайж., гал авалцах (галын дөл шатамхай юманд хүрч асах), түймэр авалцах (түймэр дэгдэх), дүрсхийн авалцах (а. Түлш амархан ноцох; б. [шилжсэн] Огцом уурлах);

---

5. Ээлж солилцох, ээлж халааг хүлээн авах: халаа авалцах (ээлж солилцох), өгөлцөх авалцах [хоршоо] (а. Тухайн зүйлийг хамтран хийх; б. Өөр хоорондоо ямар нэгэн зүйлийн тооцоотой байх);

---

6. Авцалдах, хөлдөх, барьцалдах: авалцан хөлдөх (а. Мөрөн голын ус үргэлжлэн хадаалах; б. Олон юм барьцалдан хөлдөх).