1. Ижил биш, адилгүй: өөр хэрэг (а. Адилгүй хэрэг; б. Бусад хэрэг явдал), шал өөр (адилтгах ямар нэгэн шинж, төсөө байхгүй байдал) - Заан Улаан цэргийн дарга нар үүний дэргэд шал өөр юм аа. С.Удвал. Их хувь заяа;

---

2. Ондоо, бусад - Сүүдрээс өөр нөхөргүй сүүлнээс өөр ташуургүй. Монголын нууц товчоо., өөр улсын харьяат (бусад улсын харьяат), өөр замгүй (а. Өөр зам байхгүй; б. Өөр аргагүй) - Эрдэнэд хадаг мөнгийг авахаас өөр замгүй болов. Ч.Лодойдамба. Тунгалаг Тамир., өөр аргагүй (ондоо арга зам байхгүй) - Салаа залж явахаас өөр аргагүй болжээ. Б.Ринчен. Заан Залуудай., өөрөөр хэлбэл (нөгөө талаас нь хэлбэл) - Өөрөөр хэлбэл бүх ард түмний социалист уралдаанд амласан үүргээ биелүүлж байна. Г.Жамьян. Гал атгасан гар., өөр мөртэй (а. Этгээд зантай; б. Далдуур гэм хийдэг зантай), өөр бусад [хоршоо] (а. Тухайн байдлаас ондоо; б. Уг зүйл үл хамаарагдах нөгөө юмс) - Өөрийн нутаг орноос холдоод, өөр бусдын орноо явахуй цаг… боллоо. А.Дашням. Өлзийнарангийн өчил., өөр ондоо [хоршоо] (тухайн зүйлүүдийг адилтгах төсөөтэй шинж чанар байхгүй), өөр өөр [хоршоо] (харилцан адилгүй) - Хоёр шаа хоёул өөр өөр гарваас төлгө бус болтугай. В.Инжаннаши. Хөх судар., өөр өөр санаа (ялгаатай бодол санаа).